Azərbaycan, Bakı, 13 yanvar/ Trend /
Tikinti risklərinin idarə edilməsi üzrə dünya lideri Hill International Azinko Development ilə müqavilə bağlayıb. Müqavilə Bakıda, dəyəri 350 mln. dollar olan Flame Towers kompleksinin tikinti layihəsinin idarə olunması üzrə xidmətin təmin edilməsini nəzərdə tutur. Bu barədə Hill International-ın rəsmi saytında yerləşdirilən məlumatda bildirilir. Otuz aylıq müqavilənin dəyəri beş mln. dollar qiymətləndirilir.
Flame Towers-in tikintisinin xarakterik cəhəti 34- 39 mərtəbə hündürlüyündə, mehmanxana, mənzil və xidmət yerlərindən ibarət olacaq üç çoxmərtəbəli binalar olacaq.
Ümumi tikinti zonası təqribən 235 min kv.m təşkil edəcək. Layihənin 2011-ci ilin iyun ayında başa çatacağı gözlənilir.
Layihənin idarə etmə qrupunun prezidenti Rauf Qalinin (Raouf Ghali) sözlərinə görə, bu Hill International-ın Azərbaycanda ilk işi olacaq.
"Biz qabaqcıl dizayna malik belə ambisiyalı tikilinin inşasında iştirakımızdan çox şadıq və əminik ki, o, Bakının ən görkəmli yerlərindən olacaq", - deyə Qali bildirib.
Dünyada 80 ofisi olan Amerikanın Hill International Şirkəti proqram və layihələrin hazırlanmasının idarə olunması üzrə xidmət göstərir, məsləhət xidmətləri təqdim edir.