Azərbaycan, Bakı, 14 yanvar/ Trend , müxbirlər İ.Xəlilova, N.İsmayılova/ "Azərbaycanın Qiymətli Kağızlar üzrə Dövlət Komitəsi (QKDK) qiymətli kağızlar bazarının peşəkar iştirakçıları ilə işin təkmilləşdirilməsinə hazırlaşır və bu istiqamətdə böyük layihə hazırlanacaq", - QKDK-nin sədri Rüfət Aslanlı çərşənbə günü bildirib.
Onun sözlərinə görə, Bakı Fond Birjası və qiymətli kağızlar bazarının peşəkar iştirakçıları - brokerlər və dilerlər arasında informasiya mübadiləsi kağız daşıyıcılardan elektron formata keçiriləcək. Analoji dəyişikliklər birjanın depozitarilər və reyestr saxlayıcıları ilə qarşılıqlı münasibətlərində də gözlənilir.
"Bu, qiymətli kağızlar bazarında "elektron mühit" yaratmağa imkan verəcək ki, bu da birinci dərəcəli vəzifə olmalıdır. Və bu elektron iş rejiminə keçməklə əməliyyatları sürətləndirən ödəmə sistemləri ilə analogiya üzrə həyata keçiriləcək", - Aslanlı bildirib.
Broker və diler fəaliyyətinə tələblərə dəyişiklik zərurəti həm qanunverici, həm də institusional baxımdan, fond bazarında vəziyyətin kompleks təhlili başa çatdıqdan sonra ortaya çıxacaq.
"Bazarın peşəkar iştirakçılarının fəaliyyətinin tənzimlənməsi zamanı həm prudensial normalar, həm də bizim bu institutların fəaliyyətinə nəzarət üzrə metodologiyamız dəyişəcək, - QKDK rəhbəri bildirib. - Ötən ilin ortalarından Azərbaycanda kapitalın hərəkatının tam liberallaşdırılması ilə əlaqədar əməliyyatların həcmlərində məhdudiyyətlər yoxdur".
Son illər ölkədə qiymətli kağızlar bazarının peşəkar iştirakçılarının sayı artıb və indi onların sayı 40-a çatır.
Qiymətli kağızlar emitentlərinin fond bazarının peşəkar iştirakçıları funksiyalarından məhrum edilməsi nəticəsində, banklar törəmə şirkətlər təsis ediblər. Qanunvericiliyə müvafiq olaraq, eyni zamanda qiymətli kağız emitentləri olan banklar peşəkar iştirakçı kimi hərəkət edə bilməzlər və belə təcrübə bütün dünyada tətbiq olunur.
Bankların broker və diler fəaliyyətinin həyata keçirilməsinə lisenziyalarının müddəti başa çatdıqdan sonra, yeni icazələr törəmə strukturlara verilir və bu proses 2009-cu ilin əvvəlinədək başa çatmalıdır.
Müəlliflə əlaqə saxlamaq üçün elektron ünvan: [email protected]
