Azərbaycan, Bakı, 21 yanvar/ Trend , müxbir U.İsmaylova/ "2008-ci ildə Azərbaycan tikinti şirkətləri 3,59 milyard məbləğində iş yerinə yetirib ki, bu da 2007-ci ildəkindən 59,8 faiz çoxdur", - çərşənbə günü Azərbaycan Dövlət Statistika Komitəsindən xəbər verilib.
"Ötən il özəl tikinti şirkətləri 2,63 milyard manat, dövlət şirkətləri - 958 milyon manat məbləğində tikinti həyata keçirib", - Komitədən bildirilib.
Görülən tikinti işlərinin ümumi həcmindən 2,73 milyard manatı (76 faiz) ilkin tikinti işlərinin, 509 min manat (14,2 faiz) yenidənqurma və genişləndirmə işlərinin, 152 milyon manat (4,2 faiz) əsaslı təmir işlərinin, 202 milyon manat (5,6 faiz) digər tikinti işlərinin payına düşür.
Azərbaycanda rəsmən 250 - dək tikinti şirkəti fəaliyyət göstərir.
Yanvarın 21 nə rəsmi məzənnə 0,8045 AZN/USD təşkil edir.
Məqalənin müəllifi ilə əlaqə ünvanı: [email protected]
