Azərbaycan, Bakı, 30 yanvar/ Trend , müxbir N.İsmayılova/
Azərbaycanın Vergilər Nazirliyi investisiya təmayüllü vergi mühiti formalaşdırmaq məqsədi ilə elektron ticarətinə ƏDV tətbiq etməyi planlaşdırır. Bu barədə Vergilər Nazirliyinin Vergi Siyasəti və Strateji Araşdırmalar Baş İdarəsinin strateji araşdırmalar şöbəsinin rəhbəri Vüsal Şıxəliyev bildirib.
Bu layihənin reallaşdırılması üçün qanunverici bazanın yaradılması üzrə lazımi təkliflər hazırlanır.
"Azərbaycanda bu sahədə müvafiq qanunverici baza yoxdur və biz onu hazırlayacağıq", - deyə Şıxəliyev bildirib.
Lakin Silverkey-nin Azərbaycandakı nümayəndəliyinin rəhbəri, ölkədə ilk GoldenPay İnternet-ödəmə sisteminin yaradılması üzrə layihənin rəhbəri Fərid İsmayılzadə elektron ticarəti zamanı ƏDV tətbiqini məqsədəuyğun hesab etmir.
"Qərb ölkələrində elektron ticarətin inkişafının stimullaşdırılması məqsədilə elektron ödəmələr üzrə ƏDV tətbiq edilmir", - deyə İsmayılzadə bildirib.
Onun sözlərinə görə, ola bilsin ki, fəaliyyətin bu növü üçün ƏDV faizi mövcud olandan aşağı olacaq, yəni 10 faizədək və ya digər güzəştli şərtlər tətbiq ediləcək.
Hazırda respublikada 18 faiz təşkil edən vahid ƏDV faizi tətbiq edilir. 2010-cu ildən onun bir faizədək endirilməsi nəzərdə tutulur.
Ekspertlərin hesablamalarına görə, 2011-ci ilədək Azərbaycanda elektron ticarət dövriyyəsi 300 mln. dolları üstələyə bilər.
Məqalə müəllifi ilə əlaqə ünvanı - [email protected]