Azərbaycan, Bakı, 30 yanvar/ Trend , müxbir S.Babayeva/
2009 - cu ildə Azərbaycan ərzaq taxılı tələbatını daxili istehsal hesabına ödəyə bilər, - kənd təsərrüfatı naziri İsmət Abbasov cümə günü bildirib.
"Hava şəraiti əlverişli olsa və biz 2008-ci ildəki taxıl istehsalı həcminə nail ola bilsək, o zaman ölkənin tələbatını ödəyə real olaraq biləcəyik", - nazir deyib.
2008 - ci ildə Azərbaycanda dənli və dənli-paxlalı bitkilərin istehsalı, hökumətin proqnozlaşdırdığı kimi, rekord səviyyəyə çatıb. Dövlət Statistika Komitəsinin məlumatlarına görə, dənli bitkilərin (qarğıdalı da daxil olmaqla) istehsalı 2,5 milyon tona çatıb ki, bu da 2007-ci illə müqayisədə, təxminən 500 min ton çoxdur. Ölkədə dənli bitkilərin əkin sahələri 800 min hektardan çoxdur.
Azərbaycanın taxıla olan illik tələbatı üç milyon tondur və bunun 1 milyon tonu idxal olunur.
Müəlliflə əlaqə saxlamaq üçün elektron ünvan: [email protected]