...

AYİB Azərbaycanın regional bankı ilə danışıqları bərpa edib

Biznes və iqtisadiyyat xəbərləri Materials 2 Fevral 2009 15:56

Trend-i buradan izləyin

Azərbaycan, Bakı, 02 fevral/ Trend , müxbir İ.Xəlilova/

Avropa Yenidənqurma və İnkişaf Bankı (AYİB) Azərbaycanda regional bankın - Ganja Bank-ın səhmdarlığına daxil olmaq imkanlarının qiymətləndirilməsini bərpa edib, - Ganja Bank-ın İdarə Heyətinin sədri Fuad Musayev bazar ertəsi bildirib.

"Dünya maliyyə böhranı ilə əlaqədar bu proses dayandırılsa da, düşünürəm ki, Avropada böhran təsirinin dərinləşməsi ilə əlaqədar qiymətləndirmə və qərarın qəbulu uzanacaq", - Musayev deyib.

Onun sözlərinə görə, Avropa Bankının Ganja Bank-a marağını  AYİB-in Azərbaycan bankından illik hesabat istəməsi müəyyənləşdirir.

Ganja Bank-ın səhmdarları hələ əvvəllər Avropa Bankına 20 faiz səhmin verilməsi barədə qərar qəbul ediblər. Lakin bu paketin 25 faizədək artırılması imkanı nəzərdən  keçirilə bilər.

Bankın rəhbəri əmindir ki, saziş baş tutacaq. Belə ki, AYİB ölkə regionlarının inkişafında maraqlıdır. Ganja Bank isə bu gün birinci regional bankdır (ötən il ikinci regional bank - "Naxçıvanbank"ın açılmasınadək yeganə regional bank idi). Hökumət regionların sosial-iqtisadi inkişafı üzrə Dövlət proqramı çərçivəsində regionlarda sahibkarlığın, o cümlədən də bankların inkişafına böyük diqqət ayırır.

AYİB razılıq verərsə, onun Ganja Bank-a daxil olmasını səhmlərin yeni emissiyası hesabına həyata keçirmək nəzərdə tutulur. Hazırda bankın Nizamnamə kapitalı 10 milyon manat səviyyəsində formalaşdırılsa da, yerli fiziki şəxsin simasında yeni səhmdarın daxil olması ilə əlaqədar, kapital 15 milyon manatadək artırılacaq. Bankın məcmu kapitalı 12 milyon manatı ötür.

Musayevin rəyinə görə, AYİB-lə əməkdaşlıq kredit xətlərinin açılmasından başladığı üçün böhranlı təzahürlərin qızğın vaxtında Azərbaycan bankının ötən ilin yekunları üzrə maliyyə göstəriciləri ilə tanışılığın məqsədi çox ehtimal ki, kreditləşdirmə vasitəsilə maliyyə dəstəyinin göstərilməsidir.

Ganja Bank 1994-cü ildən fəaliyyət göstərir və hazırda fiziki şəxslər olan iki səhmdarı var.

Fevralın 2-nə olan cari mübadilə məzənnəsi --0,8073 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti