Azərbaycan, Bakı, 04 fevral / Trend , müxbir Ü.İsmayılova/ Azərbaycan Maliyyə Nazirliyinin Dövlət Sığorta Nəzarəti, bazarın təhlili və maliyyə böhranının təsiri amillərinin aşkarlanmasından sonra sığorta şirkətlərinin ehtiyat normativ fondlarının yenidən nəzərdən keçiriləcəyini istisna etmir. Bu barədə çərşənbə günü Dövlət Sığorta Nəzarətinin şöbə müdiri Namiq Xəlilov bildirib.
"Bazarın təhlilindən sonra bəzi ehtiyat fondları kapitallaşmanın artırılması və maliyyə böhranı vəziyyətində ehtiyat fondlarının dövriyyəsi üçün azaldıla bilər", - deyə Xəlilov bildirib.
Onun sözlərinə görə, anti böhran tədbirlərindən biri, hökumətin maliyyə dəstəyinə sübut kimi sığorta şirkətlərinin üç il müddətinə mənfəətin kapitallaşmasının artırılmasına yönəldilən hissəsinin vergidən azad edilməsi oldu.
Xəlilov bildirib ki, böhranın sığorta şirkətlərinə təsirinin minimuma endirilməsi üçün bu dövr ərzində gərəksiz xərcləri azaltmaq, müştəri dərəcələrini artırmaq və bazar üçün yeni məhsullar hazırlamaq lazımdır.
"2008-ci ilin yekunu üzrə sığorta bazarı 22 faiz artıb və bu kiçik rəqəm deyil, 2009-cu il üçün isə proqnoz vermək çətindir, düşünürəm ki, ilkin proqnozlar ilin əvvəlində sığorta şirkətlərinin fəaliyyətinin təhlilindən sonra açıqlanacaq", - deyə Xəlilov vurğulayıb.
Məqalə müəllifi ilə əlaqə ünvanı - [email protected]
