Azərbaycan, Bakı, 05 fevral/ Trend / Azərbaycanın sığorta şirkəti "Pasha Sigorta" təşkilati-hüquqi mülkiyyət formasını dəyişib. Bu barədə şirkətin cümə axşamı rəsmi mətbuatda yerləşdirilən bəyanatında bildirilir.
Əvvəllər qapalı səhmdar cəmiyyət (QSC) kimi fəaliyyət göstərən "Pasha Sigorta" mülkiyyət formasının açıq tipli səhmdar cəmiyyət (ASC) formasına dəyişildiyini elan edib.
Şirkət dövlət qeydiyyatından 2006-cı il martın 15-də keçib.
"Pasha Sigorta" "Pasha Holding" qrupunun üzvüdür və sığortanın 30 növü üzrə korporativ və fərdi müştərilərə xidmət göstərir.
...
