Azərbaycan, Bakı, 19 fevral / Trend , müxbir N.İsmaylova/ Cümə axşamı Dövlət Statistika Komitəsindən bildiriblər ki, tələbat malları və xidmət tarifləri bu ilin yanvar ayında 2008-ci ilin dekabr ayı ilə müqayisədə 0,6 % ucuzlaşsa da, ötən ilin yanvar ayı ilə müqayisədə 11,9% bahalaşıb.
Yeyinti məhsullarının qiyməti yanvar ayı ərzində 1%, qeyri yeyinti məhsullarının dəyəri isə 0,3% azalıb. Tarif və xidmətlər isə dəyişməz olaraq qalır.
2008-ci il yanvar ayı ilə müqayisədə ərzaq malları 14,5%, qeyri-ərzaq malları 8,5%, tarif və xidmətlər isə 7,7% bahalaşıb.
Ötən ay tələbat mallarının baza indeksi, mövsümlə bağlı dəyişikliyə uğrayan malları (meyvə və tərəvəz) və dövlət tərəfindən tənzimlənən qiymətləri çıxmaq şərti ilə 99,4% təşkil edib. Ötən ilin müvafiq dövrü ilə müqayisədə isə bu rəqəm 113,5% təşkil edir.
Fevralın 19-a olan rəsmi məzənnə 0,8062 AZN/USD təşkil edir.
Məqalənin müəllifi ilə əlaqə ünvanı: [email protected]