Azərbaycan, Bakı, 23 fevral / Trend , müxbir Ü. İsmayılova/ 20 ölkənin Əmək və Əhalinin Sosial Müdafiəsi Nazirlikləri maliyyə böhranı şəraitində əhalinin sosial müdafiəsi məsələlərini müzakirə edəcəklər, - bazar ertəsi Nazirliyin beynəlxalq əməkdaşlıq şöbəsinin müdiri Elnur Sultanov bildirib.
İclas fevralın 25-26-da Moskvada keçiriləcək.
"Azərbaycanı bu iclasda əmək və əhalinin sosial müdafiəsi naziri Füzuli Ələkbərov təmsil edəcək", - Sultanov bildirib.
Onun sözlərinə görə, iclasda həmçinin Avropa dövlətlərindən də olmaqla 20 ölkədən nazirlər iştirak edəcək. Nazirlərin iclası Avropa Şurasının yardımı ilə keçiriləcək.
"İclasın əsas mövzusu maliyyə böhranı şəraitində sosial iqtisadiyyatın inkişafı, eyni zamanda sosial hüquq bərabərliyinə nail olunmasıdır", - deyə Sultanov qeyd edib.
Məqalə müəllifi ilə əlaqə ünvanı: [email protected]
