Azərbaycan, Bakı, 24 fevral, Trend , müxbir U.İsmayılova/
Rəsmi mətbuatın verdiyi xəbərə görə, Azərbaycan Dövlət Sosial Müdafiə Fondu sosial sığortlə şəxslər üçün şəhadətnamələrin hazırlanmasına dair tender elan edib. Tenderdə iştirakın dəyəri 200 manat təşkil edir.
İddiaçılar arasında ən yaxşı təkliflər irəli sürənlərə, yüksək iş bacarığı, analoji iş təcrübəsi, peşəkar kadr potensialı, maliyyə və texniki imkanlara malik olanlara üstünlük veriləcək.
Tender aprelin 15-də Azərbaycan Dövlət Sosial Müdafiə Fondunun binasında keçiriləcək.
Dövlət Sosial Müdafiə Fondunun qeydiyyat sistemi üzrə Azərbaycanda sosial sığortalı şəxslərin sayı 2008-ci ildəki göstəricidən 185 min nəfər çox olmaqla 1,51 milyon nəfər təşkil edir.
Məqalə müəllifi ilə əlaqə ünvanı: [email protected]
