Özbəkistan, Daşkənd, 26 fevral / Trend , müxbir T. Jukov / Daşkənddə mənzil təkliflərinin orta qiyməti dekabr ayında olan hər kvadrat metr üçün 725 dollara nisbətdə, yanvar ayında bir kvadrat metr üçün 671 dollar təşkil edib, - Avesta Research analitik mərkəzindən bildirilib.
Özbəkistan paytaxtında mənzil qiymətlərində ümumi azalma yeddi faiz təşkil edib.
Kənar rayonlarda hər kvadrat metrin orta qiyməti hazırda 517 dollar təşkil edir.
Bununla yanaşı mərkəzdən doqquz və daha çox kilometr uzaqlıqda yerləşən yaşayış zonalarında isə qiymətlər 9 faiz aşağı düşüb.
"Ötən ildə Daşkənd əmlak bazarında son iki-üç il ərzində sürətli qiymət azalması və bazar sövdələşmələrinin aktivliyinin azalması müşahidə edilib" , - Avesta Research mərkəzindən bildirilib.
2007-ci ildə ikinci bazarda artımın orta sürəti 58 faizə bərabər olub. Təklif qiymətlərinin ən sürətli azalması 2008-ci ilin avqustundan sonra müşahidə edilib. Ötən ilin sonlarında azalma sürəti avqust göstəricilərinə nisbətdə 11 faiz təşkil edib.
Vəziyyəti çətinləşdirən ən vacib faktorlardan biri Daşkənd şəhərinin mənzil fondunun satış qabiliyyətinin azalması olub, - SKS Consulting şirkətinin direktoru, ekspert Murad Abduhəkimov bildirib.
Fondun miqdarının azalması əhalinin Özbəkistan paytaxtından gedişinin azalması və vilayətlərdən paytaxta əhalinin daimi axını nəticəsində baş verir.
Hal-hazırda Daşkənddə əmlakın ilkin bazarı demək olar ki, yox vəziyyətdədir, çünki yaşayış binalarının tikinti sürəti son beş il ərzində çox aşağı olub.
Ekspertin hesablamalarına əsasən, hazırda yaşayış mülkləri təklifləri Daşkənd bazarında 200 milyon dollardan artıq olmur.
"Belə vəziyyətdə yüksək xarici kapital qoyuluşu qiymətlərin yenidən qalxmasına səbəb ola bilər", - Abduhəkimov bildirib.
Məqalə müəllifi ilə əlaqə ünvanı: [email protected]
