...

Azərbaycanın təklif olunan Mənzil Məcəlləsi bir çox məhkəmə çəkişmələrini həll etməyə imkan verəcək - deputat

Biznes və iqtisadiyyat xəbərləri Materials 2 Mart 2009 13:20 (UTC +04:00)

Azərbaycan, Bakı, 02 mart / Trend , müxbir Ü.İsmayılova /  

Milli Məclisin deputatı, parlamentin İqtisadi siyasət məsələləri üzrə daimi komissiyasının üzvü Vahid Əhmədov hesab edir ki, Azərbaycanın parlamentdə ikinci oxunuşdan keçən və baxılması üçün üçüncü oxunuşa göndərilən Mənzil Məcəlləsi mənzil problnmləri üzrə məhkəmə çəkişmələrinin böyük hissəsinin həllinə imkan yaradacaq.

"Azərbaycanda Mülki Məcəllə və özəlləşdirmə haqqında qanunun qüvvədə olmasına baxmayaraq, bu məsələləri tənzimləyən konkret qanun yoxdur", - deyə Trend -a Əhmədov bildirib.

Onun sözlərinə görə, məcəllədə əsas təkliflərdən biri özəlləşdirmə qanununa əsasən, qəza vəziyyətində olan binada əvvəllər mənzil kirayəçisi hesabına edilən təmirlə bağlıdır. Bundan sonra qəza vəziyyətində olan binanı təmir etmək imkanında olmayan şəxs üçün dövlət büdcəsindən vəsait ayrılacaq.

Qanun layihəsinə əsasən, sahibkarlar yalnız binaların birinci mərtəbələrini kommersiya obyekti kimi istifadə edə bilərlər.

Sakinlərin istirahətinin pozulmaması, həmçinin ekologiyanın səviyyəsinin qaldırılması üçün yaşayış binalarının həyətindəki bütün istehsalat obyektləri söküləcək. 

"Əgər mümkün olarsa, Mənzil Məcəlləsi Azərbaycan parlamentinin yaz sessiyasında, mümkün olmazsa payız sessiyasında qəbul olunacaq ", - deyə Əhmədov bildirib.

Məqalə müəllifi ilə əlaqə ünvanı -  [email protected]

Xəbər lenti

Xəbər lenti