Azərbaycan, Bakı, 03 mart / Trend , müxbir N.İsmaylova / Dünya Bankının (DB) Bakı nümayəndəliyindən verilən xəbərə görə, Elizabet Vanqın rəhbərliyi altında Bakıda olan DB-nin nümayəndə heyəti Azərbaycan hökuməti ilə dövlət qulluqçularının kadr potensialının artırılması ilə bağlı layihənin müzakirəsinə başlayıb.
DB nümayəndə heyyətinin səfəri martın 12-dək sürəcək.
Layihə 2009-2010-cu illər üçün nəzərdə tutulmuş DB ilə Azərbaycan hökumətinin maliyyə əməkdaşlığı proqramına daxildir. Proqram çərçivəsində məcburi köçkünlərə yardım və Abşeron yarımadasında uzunmüddətli ekoloji təmizləmə sahəsində axar boruların uzunluğunun artırılması layihələrinin də həyata keçirilməsi nəzərdə tutulub.
Bu günə kimi DB Azərbaycanda ümumi dəyəri 2 milyard dollardan artıq olan 42 layihə maliyyələşdirib. Təkcə ötən il bu məqsədlə bank tərəfindən 13 layihənin həyata keçirilməsi üçün Azərbaycana 1,251 milyard dollar vəsait verilib. Bununla belə 4 ilə nəzərdə tutulmuş DB strategiyası büdcəsi iki il ərzində mənimsənilmişdir. Strategiyanın növbəti iki ili üçün DB Azərbaycana 1 milyard dollardan artıq vəsait ayırmağa hazır olduğunu bildirib.
Məqalə müəllifi ilə əlaqə ünvanı: [email protected]
