Azərbaycan, Bakı, 07 mart / Trend , müxbir Ü.İsmaylova /
Əhalinin Sosial Müdafiəsi Dövlət Fondunun başçısı Səlim Müslümovun bildirdiyinə əsasən, Azərbaycanda istehsalat xəsarəti almış və nəticədə əlil olmuş şəxslərin məcburi sığortaya cəlb olunması barədə qanun qəbul ediləcək.
"Qanun layihəsi Maliyə Nazirliyi tərəfindən hazırlanıb və baxılması üçün bizim idarəyə göndərilib", - Müslümov deyib.
Qanun layihəsi 2009-cu ildə qəbul oluna bilər.
Müslümovun sözlərinə görə, qanun layihəsi istehsalat xəsarəti almış şəxslərin sosial təminatının gücləndirilməsinə yönəlib. Əlil olan şəxslərin isə ömürlərinin sonunadək sosial təqaüdlə təmin olunması nəzərdə tutulub. Hətta həmin şəxslərin xəsarət aldıqları şirkətin rəhbəri dəyişdirildikdə belə, onlar təqaüdlərini alacaqlar. Təqaüdlərin həcmi şirkətlərdə əmək haqları qalxdıqca artırılacaq.
Məqalə müəllifi ilə əlaqə ünvanı: [email protected]