Azərbaycan, Bakı, 07 mart / Trend , müxbir N.İsmaylova /
Şənbə günü "Kapital Bank"dan verilən məlumata görə, bank apreldən etibarən özünün kart bazası xidmətini yeni prosessinq xidməti ilə əvəzləməyi planlaşdırır.
Bunun nəticəsində bank tərəfindən emitasiya olunmuş debit, MasterCard və Maestro plastik kredit kartları müvəqqəti olaraq Azərbaycanın hüdudlarından kənarda işləməyəcək. Onlara yalnız "Kapital Bank" POS-terminallarında və bankomatlarında xidmət göstəriləcək.
"Bu səbəbdən MasterCard müştərilərinin istəyindən asılı olaraq "Kapital Bank" öz hesabına müştərilərin kartlarını analoji VİSA sistemi ilə əvəzləmək niyyətindədir", - bankda bildiriblər.
"Kapital Bank"da prosessinq mərkəzi ötən il yaradılıb. Sözügedən layihənin qiyməti 1,29 milyon avro həcmində dəyərləndirilir. Layihənin həyata keçirilməsi isə bankın şəxsi vəsaiti hesabına planlaşdırılır.
İlkin mərhələdə prosessinq "Kapital Bank" müştərilərinə xidmət etmək üçün nəzərdə tutulsa da, gələcəkdə digər bankların yararlanması üçün də işlər aparılacaq.
Martın 7-nə olan rəsmi məzənnə 0,805 AZN/USD təşkil edir.
Məqalə müəllifi ilə əlaqə ünvanı: [email protected]
