Azərbaycan, Bakı, 14 mart / Trend , müxbir Ü.İsmayılova /
Azərbaycan Maliyyə Nazirliyinin Dövlət Sığorta Nəzarəti şöbəsinin müdiri Namiq Xəlilov hesab edir ki, Azərbaycanın sığorta şirkətləri böhrana qarşı tədbirlər çərçivəsində hələ də bazarın diqqətindən kənarda qalan seqmentlərə diqqət yetirməlidir.
"Xırda növlər fiziki şəxslərə təklif olunan növlərdir", - deyə Xəlilov bildirib.
Onun sözlərinə əsasən, bu gün Azərbaycanın sığorta şirkətləri pərakəndə portfeli formalaşdıra bilərsə, bu onların stabilliyinə zəmanət verir.
"Ən iri müştərinin payı az olarsa, o zaman portfel stabil qalır. Bu o deməkdir ki, bir və ya iki müştərinin itirilməsi portfelin itirilməsinə səbəb olmur. Belə hallarda iri korporativ müştərilərdən, bank sığortasından asılılıq azalır və bu, şirkətin stabilliyinə səbəb olur", - Xəlilov bildirib.
Onun fikrincə, bu gün şirkət belə müştəriləri itirdiyi təqdirdə pərakəndə bazara və agentliklərin satış sisteminə diqqət yetirməlidir.
"Operativ olaraq istiqamətlənən və xırda müştəri bazasını formalaşdıran şirkətlər üçün maliyyə böhranının nəticələrini aradan qaldırmaq çox asan olacaq", - Xəliov bildirib.
Azərbaycanda 28 sığorta şirkəti və bir təkrar sığorta şirkəti fəaliyyət göstərir.
Məqalə müəllifi ilə əlaqə ünvanı: [email protected]