Azərbaycan, Bakı, 19 mart / Trend /
Yanvarda Azərbaycana 5091 ədəd minik avtomobili idxal olunub ki, bu da ötən ilin analoji dövr göstəricisi ilə müqayisədə 11,9 faiz çoxdur.
Dövlət Statistika Komitəsinin məlumatına görə, yanvarda ölkəyə gətirilən minik avtomobillərinin ümumi dəyəri təqribən 35 mln. dollar təşkil edib ki, bu da 2008-ci ilin yanvarına nisbətdə 14,2 faiz çoxdur.
Yanvarda Azərbaycana 1111 ədəd yük avtomobili idxal olunub. Bu göstərici ötən ilin analoji dövr göstəricisi ilə müqayisədə 70,7 faiz çoxdur. Avtomobillərin ümumi dəyəri təqribən 19 mln. dollar təşkil edib ki, bu da 2008-ci ilin yanvar ayının göstəricisinə nisbətdə 92,7 faiz çoxdur.
Yanvarda respublikaya 6 mln.dollar həcmində 94 avtobus idxal olunub.
Bu göstərici 2008-ci ilin analoji dövr göstəricisindən 23 faiz (məbləğdə 34,5 faiz çox) aşağıdır.