...

Azərbaycanda "quş qripi"ndən xəbərdarlıq üzrə növbəti monitorinq aprelin sonuna planlaşdırılıb

Biznes və iqtisadiyyat xəbərləri Materials 29 Mart 2009 15:41 (UTC +04:00)

Trend-i buradan izləyin

Azərbaycan, Bakı, 29 mart / Trend , müxbir S.Babayeva /

"Azərbaycanda 2009-cu ildə "quş qripi"ndən xəbərdarlıq üzrə dördüncü monitorinq aprelin 20-nə planlaşdırılıb", - bazar günü Kənd Təsərrüfatı Nazirliyi yanında Dövlət Veterinar Xidmətindən məlumat verilib.

"Monitorinqlər iki həftə davam edəcək və bu müddətin sonunda onların yekunları rəsmən açıqlanacaq", - qurumdan bildirilib.

Monitorinq Səhiyyə, Kənd Təsərrüfati, Ekologiya və Təbii Sərvətlər nazirliklərinin əməkdaşları və Ovçular Cəmiyyətinin nümayəndələrinin daxil olduğu xüsusi qrup tərəfindən həyata keçirilir.

Əvvəlki üç monitorinq ölkədə quş qripi virusunun varlığını müəyyən etməmişdi.

Sonuncu monitorinqin gedişində 20 çöl və təxminən 2 min ev quşlarının cəsəd nümunələri tədqiq edilib.

Dövlət xidmətindən məlumat verilib ki, Azərbaycanda "quş qripi" ilə bağlı epizodik durum sabit hesab olunur və o, nəzarət altındadır. Amma bununla yanaşı, ölkənin ərazisində monitorinqlər iyuna qədər davam etdiriləcək.

Məqalə müəllifi ilə əlaqə ünvanı: [email protected]

Xəbər lenti

Xəbər lenti