Qazaxıstan, Astana, 01 aprel / Trend , müxbir K.Arınova /
Qazaxıstan hökuməti dövlət orqanlarının inzibati xərclərinin optimizasiyasına keçib. Bu barədə Qazaxıstan Respublikasının Baş naziri Kərim Məsimov 2009-cu il üzrə dövlət büdcəsinin müəyyənləşdirilməsi haqqında məruzə ilə çıxış edərkən bildirib.
"Bu gündən etibarən dövlət xidmətində 2009-cu ilin sonuna kimi inzibati dövlət vəzifələrinin vakant yerlərinin tutulması istiqamətində müsabiqə keçirilməsi üzrə moratorium keçiriləcək. Bu zaman mövcud vakant yerlər hesabına mərkəzi və yerli dövlət orqanlarında xidmət göstərənlərin təsdiqlənmiş ştat sayı azaldılacaq. Bu, təqribən 9 min vakansiya deməkdir", - deyə Məsimov bildirib.
Onun sözlərinə əsasən, optimizasiya dövlət holdinqlərinə də aid olacaq.
"Samruk-Kazına" dövlət holdinqi işçilərinin sayı iki dəfə azaldılacaq, onun filial və öhdəliyində olan şirkətlərdə isə 15 faiz azalma olacaq", - deyə Nazirlər Kabinetinin başçısı bildirib.
"Samruk-Kazına" şirkətinin əməkdaşlarının məvacibləri 30 faiz azaldılacaq, - Məsimov əlavə edib. Bundan əlavə bonuslar, mükafatlar və dövlət holdinqinin 2008-2020-ci illər üzrə rəhbərliyin digər həvəsləndirici ödəmələri ləğv ediləcək.
"Ezamiyyət xərcləri, xüsusilə də xarici ezamiyyət xərcləri, biznes-klass və çarter reyslərli ilə uçuşlarda da azalma müşahidə olunacaq. Bu bütün dövlət holdinqlərinə aid ediləcək", - deyə Məsimov bildirib.
Onun sözlərinə əsasən, analoji işlər dövlət hissəli banklarda və digər milli holdinqlərdə də keçiriləcək
Məqalə müəllifi ilə əlaqə ünavnı: [email protected]