Azərbaycan, Bakı, 02 aprel / Trend , müxbir A.Bədəlova /
Dünyanın iri banklarından olan Amerikanın JPMorgan bankı 2009-cu ildə qızılın qiymətinə olan proqnozları bir unsiyasına görə 830 dollardan 960 dollara qaldırıb.
2010-cu ilə olan proqnozlar da bir unsiyaya görə 825 dollardan 950 dollara qaldırılıb.
Proqnozlara baxmayaraq bank analitikləri hesab edirlər ki, qızıl bazarı risklərə həssas olaraq qalır.
Uzunmüdətli perspektivdə JPMorgan analitikləri qiymətlərin əvvəl qeyd olunan bir unsiyaya görə 750 dollar əvəzinə 850 dollara qalxacağını proqnozlaşdırırlar.
Amerika bankının proqnozlarına əsasən, gümüşün qiyməti 2009-cu ildə bir unsiyaya görə 13,9 dollar, 2010-cu ildə isə 13,4 dollar təşkil edəcək.
Nyu-York əmtəə birjasının hissəsi olan COMEX-də çərşənbə günü keçirilən sessiyanın nəticələrinə əsasən, qızıla təyin olunan qiymətlər troya unsiyasına görə 2,7 dollar artaraq 927,7 dollar təşkil edib. Gümüşə təyin olunan qiymətlər isə bir sent artaraq 12,975 dollar təşkil edib.
Məqalə müəllifi ilə əlaqə ünvanı: [email protected]
