Azərbaycan, Bakı, 14 aprel / Trend , müxbir N.İsmayılova /
Cari ilin iyun ayına qədər Dünya Bankının (DB) Direktorlar Şurasında Azərbaycan üçün iki yeni layihənin təsdiqlənəcəyi gözlənilir. Bu haqda DB nümayəndəliyinin ölkədəki rəhbəri Qreqori Yedjeyçak deyib.
"DB avtomobil yollarının yenidən qurulması və infrastruktur layihələrin reallaşırılmasına cəlb edilən hökumət agentlərinin kadr potensialının gücləndirilməsi ilə bağlı layihələri təsdiq etməyə hazırdır", - Yedjeyçak deyib.
Onun sözlərinə əsasən, ikinci layihənin maliyyələşdirilməsi üçün bank tərəfindən 5-10 milyon dollar həcmində vəsait ayrıla bilər.
Dünya Bankı tərəfindən Hacıqabul-Bəhramtəpə və Bakı-Şamaxı avtomobil yollarında yenidənqurma işləri üçün iki layihə hazırlanıb.
"Yol layihələrinin təsdiqlənməsindən öncə ictimai müzakirələrin aparılması tələb olunur. DB prosedurlarına görə, sosial layihələrin maliyyələşdirilməsi zamanı Direktorlar Şurası məsələyə baxmamışdan 120 gün öncə ictimai rəy hazır olmalıdır", - Yedjeyçak qeyd edib.
Hacıqabul-Bəhramtəpə avtomobil yolu ilə bağlı ictimai rəy olduğundan layihə artıq 2009-cu ildə təsdiq edilə bilər. Bakı-Şamaxı layihəsi üzrə ictimai müzakirələr davam edir və bu müzakirələr təqribən bir-iki ay vaxt apara bilər.
2009-cu ildə bank Azərbaycana Beynəlxalq İnkişaf Assosiasiyasının xətti ilə 70 milyon dollar hcmində maliyyə vəsaiti ayırıb.
Hökumətdən verilən məlumata əsasən, sözügedən güzəştli vəsaitin əsas hissəsi (təqribən 50 milyon dollar) yol sektorunun maliyyələşdirilməsinə yönələcək. DB