Azərbaycan, Bakı, 21 aprel / Trend , müxbirlər A.Bədəlova, Ü.İsmayılova /
Аzərbaycan Daşınmaz Əmlakın Dövlət Reyestr Xidməti (DƏDRX) və Almaniyanın KfW İnkişaf Bankı arasında hazırlanan "daşınmaz əmlakın kadastrı" birgə layihəsinin təsdiq olunması məqsədi ilə dünən ölkənin Baş nazirinə müraciət ünvanlanıb. Bu barədə çərşənbə axşamı DƏDRX rəhbəri Arif Qaraşov deyib.
2008-ci ilin ortalarında Azərbaycan Hökuməti və KfW İnkişaf Bankı daşınmaz əmlakın vahid qeydiyyat sisteminin tətbiqinin maliyyələşdirilməsi ilə bağlı Memorandum imzalayıblar.
Sistematik kadastr qeydiyyatını nəzərdə tutan layihə ilk öncə pilot şəhərlərdə (Gəncə və Şəki) torpaq, sahə və daşınmaz əmlak qeydiyyatında tətbiq ediləcək. Layihənin əsas mərhələsinin reallaşmasına 30 ay tələb olunur. Almaniyanın KfW bankı layihənin həyata keçirilməsi üçün güzəştli əsaslarla 2,5 milyon avro kredit və təşkilatın institutlaşmasına 1 milyon avro ayırmağa hazır olduğunu bildirib.
Məqalə müəllifi ilə əlaqə ünvanı: [email protected]
