Azərbaycan, Bakı, 16 may / Trend /
Yanvar-apreldə Azərbaycana 305,3 min ton sement və sement klinkerləri idxal olunub ki, bu da 2008-ci ilin analoji dövr göstəricisi ilə müqayisədə 41,3 faiz azdır. Bu barədə Azərbaycan Dövlət Statistika Komitəsindən məlumat verilib.
Yanvar-apreldə 126,2 min ton həcmində sement klinkeri idxal olunub ki, bu da ötən ilin analoji dövr göstəricisi ilə müqayisədə 43,5 faiz azdır. Ölkəyə 4,3 mln. dollar məbləğində klinker idxal olunub ki, bu da 2008-ci ilin analoji dövr göstəricisi ilə müqayisədə 40,3 faiz azdır.
Cari ilin birinci rübü ərzində ölkəyə 179,1 min ton sement idxal olunub. Bu göstərici 2008-ci ilin yanvar-aprelində qeydə alınan həcmdən 39,6 faiz aşağıdır. Bu dövr ərzində təqribən yeddi milyon dollar məbləğində sement gətirilib ki, bu da ötən ilin analoji dövr göstəricisi ilə müqayisədə 30,6 faiz azdır.