Azərbaycan, Bakı, 18 may / Trend , müxbir S.Babayeva /
Azərbaycanın Standartlaşdırma, Metrologiya və Patent üzrə Dövlət Komitəsi "Ataxan Dəmir Sənaye" MMC-də standart qaydaları pozuntusu aşkar edib.
"Yoxlamalar zamanı məlum olub ki, müəssisədə istehsal edilən və mövcud olan standartlara cavab verməyən məhsullar sınaqdan keçirilmir", - komitədən deyiblər.
Üzə çıxarılan çatışmazlıqlar nəticəsində dövlət komitəsi müəssisə rəhbərliyinə töhmət verib və məhsulun sözügedən partiyasının satışına qadağa qoyub.
Dövlət komitəsi standartlaşdırma, metrologiya, sertifikatlaşdırma və sənaye mülkiyyəti obyektlərinin mühafizəsi sahəsində dövlət siyasətini formalaşdıran və aparan mərkəzi icra orqanıdır.
Məqalə müəllifi ilə əlaqə ünvanı: [email protected]
