Azərbaycan, Bakı, 21 may / Trend , E.İsmayılov /
İyunun 1-dən "Azərbaycan hava yolları" QSC (AZAL) Bakı-Tbilisi-Batumi-Tbilisi-Bakı kommersiya hava reysini reallaşdırmağa başlayacaq. Bu barədə cümə axşamı QSC-dən bildiriblər.
Cümə axşamı hazırda Azərbaycanda rəsmi səfərdə olan Gürcüstan Prezidenti Mixail Saakaşvili yeni reysin açılış mərasimində iştirak edəcək və bu reys ilə Batumiyə uçacaq.
AZAL-dan bildiriblər ki, reys həftədə iki dəfə, Bakı vaxtı ilə saat 08:30-da bazar ertəsi və cümə axşamları reallaşdırılacaq. Bu istiqamətdə uçuşlar Fransa istehsalı olan ATR tipli təyyarələr vasitəsilə həyata keçiriləcək.
Bir istiqamətdə biletlərin qiyməti 219 manat, iki istiqamətdə isə 414 manatdır.
Məqalə müəllifi ilə əlaqə ünvanı - [email protected]