Azərbaycan, Bakı, 26 may / Trend , müxbir Ü.İsmayılova /
"Azərbaycan İqtisadi İnkişaf Nazirliyi nəzdində istehlak bazarına nəzarət üzrə dövlət xidməti, 18-22 may tarixlərində Bakı və ölkənin regionlarında ərzaq məhsulları satışı üzrə 20 obyektdə monitorinq aparıb", - qurumun çərşənbə axşamı yayılmış məlumatında deyilir.
"Keçirilən monitorinqlərin nəticəsində dörd tona yaxın vaxtı keçmiş və istehlaka yararlı olmayan ərzaq məhsulları satışdan çıxarılıb", - məlumatda deyilir.
Götürülmüş məhsulların içərisində kolbasa məmulatları, pendir, yağ, makaron, toyuq və s. var.
Dövlət xidməti qeyri-ərzaq məhsullarının monitorinqi zamanı son günlər ərzində satışdan 12,7 ton saxta sement çıxarıb.
Nazirlik monitorinqləri davam etdirir.
Məqalə müəllifi ilə əlaqə ünvanı: [email protected]