Azərbaycan, Bakı, 01 iyun / Trend , müxbir Ü.İsmayılova /
Bakının daşınmaz əmlak bazarı mayda ucuzlaşmaqda davam edib. Bakıda yaşayış yerinin 1 kvadrat metri üçün orta qiymət 5,7 faiz, mənzillər üçün 5 faiz ucuzlaşıb. Bu barədə bazar ertəsi "MBA Group" konsaltinq şirkətinin baş direktoru Nüsrət İbrahimov bildirib.
"Yaşayış yerlərinin qiyməti il ərzində 25,8 faiz azalıb", - İbrahimov bildirib.
Onun sözlərinə görə, 2008-ci ilin mayında Bakıda yaşayış yerlərinin qiyməti 1 kvadrat metr üçün 1834 dollar və ya orta hesabla bir mənzil üçün 119076 dollar təşkil edərək özünün ən yüksək səviyyəsində idi.
İbrahimov deyib ki, Bakıda mənzillərin orta qiyməti apreldə 107830 olduğu halda, bu göstərici mayda 102470 dollar təşkil edib.
Yaşayış yerlərinin birinci bazarında təmirli mənzillərin qiyməti mayda 5,3 faiz, təmirsiz mənzillərin qiyməti isə 2 faiz azalıb. Yaşayış yerlərinin ikinci bazarında qiymətlər 5,7 faizi azalıb. Yaşayış yerlərinin icarəsi bazarında qiymət 1,9 faiz azalıb.
Bazara yüksək qiymətlə təqdim edilmiş mənzillərin payı 15,3 faiz azalıb. Bu cür mənzillərin passiv satışı nəticəsində aşağı qiymətli mənzillərin qiyməti 11,6 faiz azalıb.
İyunun 01-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
