Azərbaycan, Bakı, 05 iyun / Trend , müxbir A.Bədəlova /
Kazanda (Tatarıstan) iyunun 25-26-da Beynəlxalq İslam biznes və maliyyə sammiti keçiriləcək. Bu barədə təşkilat komitəsinin məlumatında deyilir.
Görüşün əsas məqsədi iştirakçılara beynəlxalq iş əlaqələrinin yaradılması, investisiyaların cəlb olunması, həmçinin İslam iqtisadi modeli çərçivəsində biznes perspektivlərinin öyrənilməsi üzrə imkanların yaradılmasıdır.
Sammitdə müxtəlif biznes strukturlarının nümayəndələri, Rusiya, MDB ölkələri, Yaxın Şərq, Avropa və Cənub Şərqi Asiyadan İslam iqtisadiyyatı və maliyyəsi sahəsində tanınmış alimlər iştirak edəcək.
Kazan sammitində öz iştiraklarını bu günə kimi Azərbaycan, Səudiyyə Ərəbistanı, Birləşmiş Ərəb Əmirliləri, Malayziya, İndoneziya, Pakistan, Qətər, Bəhreyn, Böyük Britaniya, Fransa, Türkiyə, Qazaxıstan, Qırğızıstan və Rusiyadan olan məruzəçilər təsdiqləyiblər.
Məqalə müəllifi ilə əlaqə ünvanı: [email protected]