Azərbaycan, Bakı, 09 iyun / Trend , müxbir N.İsmayılova /
10-15 gün ərzində Azərbaycan bankları, Mərkəzi Bank yanında fəaliyyət göstərən Azərbaycan İpoteka Fondunun xətti ilə ipoteka kreditləşməsinə başlayacaqlar, çərşənbə axşamı Mərkəzi Bankın idarə heyətinin rəhbəri Elman Rüstəmov bildirib.
"Əhali tərəfindən ipoteka kreditlərinin alınması üçün müraciətlərin dinamikası artır və banklar kreditləşməyə hazırlaşırlar, lakin məlum olduğu kimi ipoteka qiymətli kağızlarının buraxılması hələ ki, davam edir, tezliklə mövcud prosedur başa çatacaq və 10-15 gün ərzində kreditləşmə başlayacaq", - Rüstəmov deyib.
İpoteka Fondu 55 min ədəd (hər birinin 1000 manat nominal dəyəri olmaqla) ipoteka istiqrazlarının emissiya prospektini qeydiyyata alıb. Emissiyanın yekun həcmi 55 milyon manat təşkil edir.
Onun sözlərinə görə, yeni tikililər və o cümlədən yaşayış yerlərinin ikinci bazarından mənzillərin ipoteka kreditləşməsinə verilməsi barədə qərar qəbul edilib.
"İpoteka kreditlərinin verilməsi hazırkı iqtisadi vəziyyətə uyğundur, böhran bitəndən sonra biz bu şərtləri yenidən nəzərdən keçirəcəyik", - Rüstəmov bildirib.
Mərkəzi Bankın rəhbəri ipotekanın maksimal məbləğinin artırılmasının zəruriliyini bildirib, çünki yaşayış yerləri bazarında qiymətlər kifayət qədər yüksəkdir, lakin artırılma üçün bəzi qərarlar qəbul etmək lazımdır.
Dövlət büdcəsində 2009-cu il üçün sosial ipotekanın maliyyələşdirilməsinə 14,5 milyon manat ayrılıb.
Ölkədə ipoteka kreditləşməsinə 2006-cı il martın 25-dən AİF-in standartları üzrə başlayıb, 2007-ci il fevralın 7-dən sosial ipotekanın verilməsinə başlanılıb. İpoteka kreditlərinə tələbat büdcə ayrılmalarını keçdiyinə görə 2007-ci il iyunun ortalarında AİF öz standartları üzrə ipoteka kreditlərinin verilməsini dayandırdı. Fond dövlət büdcəsindən 2005-2008-ci illərdə 68 milyon manat alıb və 2009-cu ildə dövlət büdcəsində 14 milyon manat ayrılıb. Kreditlərin portfeli (1981) AİF standartları üzrə 75 milyon manat, ümumilikdə bankların ipoteka portfeli 250-300 milyon manat məbləğində təşkil edir
Kredit üzərinə qoyuluşlar kommersiya banklarında səkkiz faizdən (AİF standartları üzrə) 18-20 faizə qədər, müddət 10 ildən 25 ilədək təşkil edir. Fondun agentləri 17 bankdır. AİF xətti ilə alınan kreditin maksimal miqdarı 50 min manat, müddəti 3 ildən 25 ilədək təşkil edir.
İyunun 09-na olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]
