Azərbaycan, Bakı, 16 iyun / Trend , müxbir N.İsmayılova /
Böyük Britaniya Azərbaycanda sərmayə qoyuluşunun həcmi üzrə lider mövqeyini saxlamaqda davam edir və mayda ölkənin xarici sərmayələrin ümumi həcmində xüsusi çəkisi 41,3 faiz təşkil edib, çərşənbə axşamı Dövlət Statistika Komitəsindən bildiriblər. Onun investisiyaları 191,6 milyon manat təşkil edib.
May ərzində xarici ölkələr və beynəlxalq təşkilatlar tərəfindən Azərbaycan iqtisadiyyatına qoyulmuş sərmayənin 87,3 faizi (404,9 milyon manat) Böyük Britaniya, ABŞ, Yaponiya, Norveç, Fransa və Türkiyədən olan sərmayədarların payına düşüb.
Amerikanın investisiyaları 100,7 milyon manat (xüsusi çəkidə 21,7 faiz), Yaponiya - 41 milyon manat (8,8 faiz), Türkiyə - 20,5 milyon manat (4,4 faiz), Norveç - 25,7 milyon manat (5,6 faiz), Fransa - 25,3 milyon manat (5,5 faiz), Avstriya - 553 min manat (0,1 faiz), Çexiya - 6,59 milyon manat (1,4 faiz), Cənubi Koreya - 1,54 milyon manat (0,3 faiz), İtaliya - 321,6 min manat (0,1 faiz), Almaniya - 0,5 min manat, Qazaxıstan - 428,9 min manat (0,1 faiz) təşkil edib.
Beynəlxalq maliyyə institutları arasında həcminə görə ən böyük investisiya 27,64 milyon manat məbləğində (xüsusi şəkidə 6 faiz) Dünya Bankı tərəfindən qoyulub. Asiya İnkişaf Bankı Azərbaycanda layihələrin həyata keçirilməsinə mayda 9,55 milyon manat (iki faiz), İslam İnkişaf Bankı - 1,52 milyon manat (0,3 faiz), Küveyt İqtisadi İnkişaf Fondu - 460,4 min manat (0,1 faiz) sərmayə ayırıb.
İyunun 16-na olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]