...

Azərbaycan və Rusiyanın Dəmir Yol idarələri bilet satışı sistemini sinxronlaşdırır

Biznes və iqtisadiyyat xəbərləri Materials 18 İyun 2009 14:52 (UTC +04:00)

Azərbaycan, Bakı, 18 iyun / Trend , müxbir E.İsmayılov /

"İlin sonuna qədər Azərbaycanın kompyuterləşdirilmiş bilet satışı sistemi, terminalları Rusiya Dəmir Yollarının dəmir yolu kassalarında quraşdırılmış "Ekspress-3" sisteminə birləşdiriləcək", - cümə axşamı Azərbaycan Dövlət Dəmir Yolu İdarəsinin (ADDY) mətbuat xidmətinin rəhbəri Nadir Azməmmədov deyib.

"Azərbaycanda bilet satışı sisteminin kompyuterləşdirilməsi və onun "Ekspress-3" sisteminə birləşdirilməsi prosesini bu ilin sonuna qədər başa çatdırmağı planlaşdırırıq", - Azməmmədov bildirib.

Şimal (Rusiya) istiqamətində bilet satışı sisteminin kompyuterləşdirilməsi artıq başa çatdırılıb, analoji işlər qərb (Gürcüstan) istiqamətində aparılır. Onların da yaxın aylar ərzində başa çatdırılması planlaşdırılır. Daha sonra cənub istiqaməti üzrə işlər başa çatdırılacaq və bundan sonra bütün istiqamətlər Bakıdakı vahid bazaya birləşdirləcək ki, bu da bütün ölkə üzrə bilet alışını (bir və hər iki istiqamətə) avtomatlaşdırmaq imkanı verəcək. Azərbaycan sisteminin Rusiya sisteminə birləşdirilməsi isə ölkənin istənilən nöqtəsində Rusiyanın şəhərlərinə həm bir, həm də hər iki istiqamətə bilet almaq imkanı baxımından vacibdir.

Hazırda Azərbaycanın regionlarında bilet alışı Bakıdan müəyyən miqdarda bilet göndərilməsi yolu ilə həyata keçirilir.

Ötən il ADDY tərəfindən 6,4 milyon nəfər sərnişin daşınıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti