Azərbaycan, Bakı, 29 iyun / Trend , müxbir Ü.İsmayılova /
"Azərbaycanın ən böyük sığorta şirkətlərindən biri olan "Az Sigorta" aprel-may aylarında yeddi böyük ödəniş həyata keçirib", - şirkətin xüsusi jurnalında yerləşdirilmiş məqalədə deyilir.
Bu dövr ərzində şirkət ən böyük ödənişini 12,3 min manat həcmində, Yol-Qəza Hadisəsi (YQH) zamanı zərər zəkmiş Mercedes-Benz markalı avtomobil üzrə həyata keçirib. İkinci ödəniş 10,29 min manat həcmində, sığorta məbləği 32,4 min manat olmaqla yenidən YQH üzrə həyata keçirilib.
Üçüncü ödəniş 3,31 min manat həcmində və sığorta məbləği 5,76 min manat olmaqla YQH üzrə həyata keçirilib.
Şirkət sığorta məbləği 83,33 min manat olmaqla yanğın nəticəsində 2,47 min manat, obyekti su basması üzrə sığorta məbləği 2,053 min manat olmaqla 115 min manat, subasma üzrə sığorta məbləği 2,009 min manat olmaqla 25 min manat, həmçinin sığorta məbləği 30 min manat olmaqla YQH üzrə 1,32 min manat ödənişlər edib.
"Az Sigorta" Azərbaycan sığorta bazarında 2006-cı ilin noyabrından fəaliyyət göstərir. Hazırda ölkənin müxtəlif regionlarında şirkətin səkkiz filialı, həmçinin 40-a yaxın regional nümayəndəliyi fəaliyyət göstərir. "AZ Sigorta" 3-ü icbari olmaqla 28 növ sığorta xidməti göstərir.
Azərbaycan Maliyyə Nazirliyinin məlumatına görə, "Az Sigorta" yanvar-apreldə 3,87 milyon manat sığorta haqqı yığıb. Ödənişlərin həcmi 1,34 milyon manat təşkil edib.
İyunun 29-na olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
