Azərbaycan, Bakı, 16 iyul / Trend , müxbir Ü.İsmayılova /
Azərbaycanın ən böyük sığorta şirkətlərindən biri Standard Insurance Mərkəzi Bankın keçirdiyi əməkdaşlarının tibbi sığortası üzrə tenderin qalibi olub, bu barədə cümə axşamı bankın rəsmi mətbuatdakı məlumatında deyilir.
Standard Insurance Azərbaycanda 2002-ci ildən fəaliyyət göstərir.
2007-ci ildə Standard Insurance Moody's Investors Service beynəlxalq agentliyindən hazırda ölkənin özəl maliyyə sektoru üçün ən yüksək hesab edilən "müsbət proqnoz ilə B1" reytinqini əldə edib.
Şirkətin nizamnamə kapitalı səkkiz milyon manat təşkil edir. Yanvar-aprel aylarında şirkətin yığımı 3,37 milyon manat, ödəmələri isə 1,01 milyon manat təşkil edib.
İyulun 16-na olan rəsmi məzənnə 0,8042 AZN/USD təşkil edir.
