Azərbaycan, Bakı, 17 iyul / Trend , müxbir N.İsmayılova /
"Azərbaycanın İqtisadi İnkişaf Nazirliyi nəzdində Sahibkarlığa Yardım Milli Fondu (SYMF) Dünya Bankı (DB) ilə kiçik və orta sahibkarlıq müəssisələrinin maliyyələşdirilməsi üçün 100 milyon dollar həcmində kreditin cəlb edilməsi ilə bağlı şərtləri razılaşdırır", - cümə günü fondun icraçı direktoru Şirzad Abdullayev deyib.
"Vəsaitlərin iki-üç faiz dərəcəsi altında, beş-yeddi il müddətinə cəlb edilməsi gözlənilir, ancaq bunlar ilkin şərtlərdir, - Abdullayev bildirib. - Kredit əsasən ölkə regionlarındakı sahibkarların maliyyələşdirilməsinə hesablanacaq".
Onun sözlərinə görə, beynəlxalq Baker Tilly Audit Azerbaijan auditor tərəfindən fondun 2008-ci il üzrə maliyyə hesabatlılığının qiymətləndirilməsi artıq başa çatdırılıb. Auditor hesabatı yaxınlarda DB missiyasının nəzərinə çatdırılacaq.
DB və ya digər maliyyə institutlarından illik iki-üç faiz dərəcəsi ilə kredit resurslarının cəlbi halında, sahibkarların maliyyələşdirilməsi zamanı kredit qoyuluşuna bank marjı SYMF-in bir faizi əlavə olunacaq.
2009-cu ildə fondun xətti ilə 130 milyon manat güzəştli kredit verilişi planlaşdırılır ki, onlardan 74 milyon manatı büdcə vəsaitlərinin payına düşür, qalan 56 milyon manat isə əvvəllər verilmiş kredit resursları hesabına formalaşdırılıb.
İyulun 17-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]