Azərbaycan, Bakı, 21 iyul / Trend , müxbir N.İsmayılova /
Dünya Bankı (DB) 2010-cu ildə Azərbaycan layihələrinin güzəştli maliyyələşdirilməsini davam etdirə bilər. Bu barədə çərşənbə axşamı bankın Bakı nümayəndəliyinin rəhbəri Qreqori Yedjeçak deyib. Hərçənd ki, DB artıq bu ildən Beynəlxalq İnkişaf Assosiasiyası (DB qrupuna daxil olan) xətti ilə güzəştli şərtlərlə Azərbaycana maliyyələşdirməni dayandıracaq və bank bunu daha kasıb ölkələrə, xüsusilə Afrika ölkələrinə yönəldəcək.
"Azərbaycanın Beynəlxalq İnkişaf Assosiasiyasının xətti ilə əlavə vəsait almaq üçün yaxşı şansları var", - Yedjeçak deyib.
Onun sözlərinə görə, hazırda 70 milyon dolların ayrılması barədə danışıqlar aparılır. 2009-cu maliyyə ilində Beynəlxalq İnkişaf Assosiasiyasının xətti ilə güzəştli şərtlərlə Azərbaycanın maliyyələşdirilməsi də 70 milyon manat təşkil edib.
2008-ci ildə ölkə hökuməti DB-dən Azərbaycanın korporativ və dövlət sektorunun (CAP/SAP) hesabatlılığına, təhsil sistemində islahatların 3-cü fazasına, su təchizatı və kanalizasiya sisteminin inkişafına, sosial təminata köməyə, məcburi köçkünlərin sosial rifahına və Azərbaycanın kənd investisiyasına 6 güzəştli kredit alıb. Onların reallaşdırılması üçün 121 milyon dollar ayrılıb.
Əhalisinin adambaşına düşən ÜDM 1280 dollardan çox olmayan ölkələrə bu meyarlarla düşür. Beynəlxalq İnkişaf Assosiasiyasının xətti ilə güzəştli kredit almaq üçün DB-nin müəyyənləşdirdiyi meyarları Azərbaycan artıq üstələyib. Buna görə də, bu ildən ölkə yalnız kommersiya şərtləri ilə kredit almağı nəzərdə tutub.
Məqalə müəllifi ilə əlaqə ünvanı: [email protected]