...

Azərbaycan və Türkiyənin gömrük orqanları əməkdaşlıq sahəsini genişləndirirlər

Biznes və iqtisadiyyat xəbərləri Materials 8 Avqust 2009 14:03 (UTC +04:00)

Azərbaycan, Bakı, 08 avqust / Trend , müxbir N.İsmayılova /

Azərbaycan və Türkiyənin gömrük orqanları gömrük qanun pozuntusuna qarşı mübarizə sahəsində əməkdaşlıq üzrə müzakirələr aparıblar, bu barədə Azərbaycan Dövlət Gömrük Komitəsindən (DGK) bildirilib.   

İstanbuldakı görüşdə Azərbaycanın nümayəndə heyətinə DGK-nın sədr müavini Əsgər Abdullayev, Türkiyə nümayəndə heyətinə isə Gömrük Şurası sədrinin köməkçisi İbrahim Şenel başçılıq edib.

Şenel ikitərəfli münaibətlərin möhkəmləndirilməsinin, iki ölkənin gömrük orqanları arasında informasiya mübadiləsinin vacib olduğunu qeyd edib. Azərbaycan Dövlət Gömrük Komitəsinin sədr müavini də öz növbəsində avtomobil və hava buraxılış məntəqələrində həyata keçirilən iki ölkənin narkotik və psixotrop maddələrin, silahların qanunsuz daşınmasının aşkar olunmasına və qarşısının alınmasına istiqamətlənmiş əməliyyat planının əhəmiyyətini qeyd edib.

Görüşdə iki ölkənin gömrük orqanları arasında əməkdaşlığın davam etdirilməsi haqqında qərar qəbul edilib. Həmçinin 2009-2010-cu illərdə Azərbaycan və Türkiyənin gömrük orqanları arasında səmərəli əməkdaşlığın və qarşılıqlı yardımın artırılmasına yönələn, narkotik və psixotrop maddələrin, silahların qanunsuz dövriyyəsi ilə mübarizə üzrə tədbirlər planının icrası çərçivəsində əmtəə tranziti zamanı gömrük qanun pozuntusu elementlərinin aşkar edilməsi hallında qabaqcıl və operativ xarekterli qarşılıqlı mübadilənin aparılması barədə razılıq əldə edilib.

Bununla yanaşı, iki ölkənin gömrük işçiləri gömrük sərhədindən daşınan, intellektual mülkiyyətin, gömrük işi üzrə qanunvericiliyin və normativ-hüquqi tələblərin gözlənilməsi sahəsində qarşılıqlı fəaliyyətin obyekti olan malların mülkiyyət hüququnun təmin edilməsi məqsədilə qarşılıqlı fəaliyyət həyata keçirmək niyyətindədirlər. İntellektual mülkiyyət hüquqlarının müdafiəsi və bu məhsulların qanunsuz mübadiləsinə mane olunması məqsədilə əlaqələndirici şəxslər vasitəsilə təcrübə mübadiləsi haqqında qərar qəbul edilib.

Nümayəndə heyətlərinin başçıları görüşdə iki ölkənin piratçılıq və saxtalaşdırma ilə mübarizə sahəsində inzibati və cinayət qanunvericiliyindəki dəyişikliklər haqqında fikir mübadiləsi aparıblar.

Görüşün yeknları üzrə nümayəndə heyətlərinin başçıları tərəfindən kontrabanda ilə mübarizə sahəsində protokol imzalanıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti