Azərbaycan, Bakı, 17 avqust / Trend , müxbir Ü.İsmayılova /
Azərbaycanda iyul ayında istehlak mallarının qiymətləri və xidmət tarifləri 2009-cu ilin iyun ayı ilə müqayisədə 0,8 faiz bahalaşıb. Yanvar-iyul aylarında isə ötən ilin analoji dövrü ilə müqayisədə 3,1 faiz bahalaşma olub. Bu barədə bazar ertəsi Dövlət Statistika Komitəsindən bildirilib.
Ərzaq məhsullarının qiyməti iyulda 0,9 faiz, qeyri-ərzaq məhsulları 0,2 faiz ucuzlaşıb, xidmət tarifləri isə 6,4 faiz bahalaşıb.
2008-ci ilin yanvar-iyul ayları ilə müqayisədə ərzaq məhsullarının qiyməti 1,1 faiz, qeyri-ərzaq məhsulları 5,2 faiz, xidmət sahələrindəki tariflər isə 5,9 faiz artıb.
İyulda məhsullar və xidmətlərin çıxılması ilə mövsümi dəyişikliklərə meyilli (meyvə və tərəvəz) istehlak qiymətlərinin baza indeksi və dövlət tərəfindən nizamlanan qiymətlər əvvəlki ayda 99,4 faiz, ötən ilin analoji dövrü ilə müqayisədə bu ilin yeddi ayı ərzində isə 103,8 faiz təşkil edib.
Məqalə müəllifi ilə əlaqə ünvanı: [email protected]
