Azərbaycan, Bakı, 18 avqust / Trend , müxbir Ü.İsmayılova /
İlkin məlumatlara əsasən, turizm bazarının qlobal azalması ilin birinci yarısında Azərbaycana gələn turist sayının azalmasına səbəb olmayıb. Bu barədə çərşənbə axşamı Mədəniyyət və Turizm Nazirliyinin turizm şöbəsinin müdiri Aydın İsmiyev bildirib.
"Birinci yarımildə Azərbaycanda cəmi bir neçə faizlik artım müşahidə olunub", - İsmiyev deyib.
Onun sözlərinə görə, 2009-cu ilin yekunlarına əsasən nazirlik 40 faiz səviyyəsində müşahidə edilən keçənilki artımı gözləmir, lakin turistlərin sayının əhəmiyyətli dərəcədə azalması da planlaşdırılmır.
2008-ci ilin yekunlarına əsasən ölkə tarixində ilk dəfə olaraq gələn turistlərin sayı 1,89 milyon nəfər təşkil edib ki, onların da 1,4 milyon nəfəri ölkəyə turist qismində gələnlərdir.
Azərbaycanın mədəniyyət və turizm naziri Əbülfəz Qarayevin bildirdiyi kimi, 2008-ci ildə Azərbaycan turizmi 40 faiz artıb. Bu il qlobal maliyyə böhranının təsiri nəticəsində turistlərin ölkəyə axınında 10 faiz azalma gözlənilir ki, bu da 2009-cu ildə Bakının İslam mədəniyyətinin paytaxtı elan olunması və bununla əlaqədar beynəlxalq konfransların keçirilməsi hesabına təmin ediləcək.
Qarayevin sözlərinə görə, nazirlik daxili turizmi, ikitərəfli mübadiləni, turizm biznesini və digər sahələri inkişaf etdirmək niyyətindədir.
Məqalə müəllifi ilə əlaqə ünvanı: [email protected]
