Azərbaycan, Bakı, 20 avqust / Trend , müxbir A.Bədəlova /
Almaniya, Fransa, sonra isə Yaponiya tərəfindən ressesiya vəziyyətindən çıxmaq barədə verilən bəyanatlar, bir çox ekspertə dünya iqtisadiyyatının bərpasının başlanılması haqqında bəyanat üçün bəhanə oldu. Belə ki, Beynəlxalq Valyuta Fondu (BVF) bu həftə bəyan edib ki, dünya iqtisadiyyatı ressesiyadan çıxır, lakin fondun baş iqtisadçısı Oliver Blanşarın fikrincə, onun bərpası bu qədər asan olmayacaq.
BVF əvvəl dünya iqtisadiyyatının bərpasını növbəti ilin birinci yarısına proqnozlaşdırmışdı. Fond dünya ÜDM-in onlar tərəfindən iyul ayında proqnozlaşdırılan 1,4 azalmaya nisbətdə 2009-cu ildə 0,2 faiz artımını proqnozlaşdırır. 2010-cu ildə dünya ÜDM-in artımı proqnozlaşdırılan 2,5 faizə nisbətdə üç faiz təşkil edib.
Almaniya və Fransada ÜDM-in artımı barədə bəyanatlardan sonra Britaniyanın iqtisadi tədqiqatlar üzrə aparıcı konsaltinq şirkəti Capital Economics-in proqnozları qismən dəyişməsi analitiklərin aşkar pessimizmini bir o qədər də azaltmır. Onların yeni proqnozlarına görə, Avropa zonasının iqtisadiyyatı bu il beş deyil, dörd faiz azalacaq. 2010-cu ildə britaniyalı analitiklər region iqtisadiyyatının 0,5 faiz artacağını gözləyir ki, bu da əvvəlki pronozlardan elə də çox deyil.
ABŞ-ın Goldman Sachs bankı dünya ÜDM-in bank tərəfindən əvvəlcə proqnozlaşdırılan göstəriciyə nisbətdə 2009-cu ildə 1,2 faiz azalacağını proqnozlaşdırır. 2010-cu ildə dünya iqtisadiyyatının artımı 3,5 faiz təşkil edəcək.
ABŞ-a gəldikdə isə, bank hesab edir ki, 2009-cu ildə dünya iqtisadiyyatının artımı 3 faiz təşkil edə bilər.
Almaniya bankı Deutsche Bank-ın proqnozlarına əsasən, dünya iqtisadiyyatının artımı bank tərəfindən əvvəlcə proqnozlaşdırılan iki faizə nisbətdə 2010-cu ildə 2,5 faiz təşkil edəcək.
Neft ixrac edən ölkələrin təşkilatı 2009-cu ildə dünya iqtisadiyyatının azalması ilə bağlı öz proqnozlarını 1,4 faiz səviyyəsində saxlayaraq dəyişməyib. 2010-cu ildə kartel OPEK tərəfindən ötən ay proqnozlaşdırılan 2,3 faizə nisbətdə 2,4 faiz artım proqnozlaşdırır.
OPEK-in proqnozlarına görə, ABŞ-ın ÜDM-i, 2010-cu ildə 1,2 faiz artım gözlənilərkən bu ildə 2,8 faiz azalma nümayiş etdirir.
2009-2010-cu illərdə iqtisadi artım səviyyəsi:
|
Şirkət |
2009-cu il (%) |
2010-cu il (%) |
|
BVF |
0,2 (D) |
3 (Ş) |
|
Capital Economics |
- 4 (A) |
0,5 (A) |
|
Goldman Sachs |
- 1,2 (D) 3 (Ş) |
3,5 (D) - |
|
Deutsche Bank |
- |
2,5 (D) |
|
OPEK |
- 1,4 (D) - 2,8 (Ş) |
2,4 (D) - 1,2 (Ş) |
D - dünya ÜDM-i
Ş - ABŞ
A - Avropa zonası
Məqalə müəllifi ilə əlaqə ünvanı: [email protected]
