Azərbaycan, Bakı, 20 avqust / Trend , müxbir Ü.İsmayılova /
Azərbaycanda 2009-cu ilin martından, bələdiyyə torpaqlarının hərrac və müsabiqə yolu ilə satışına başlanılmasından etibarən ümumilikdə 93 hərrac keçirilib. Bu barədə cümə axşamı Azərbaycan Dövlət Torpaq və Xəritəçəkmə Komitəsindəki mənbədən məlumat verilib.
"Avqustda Bərdə, Balakən, Ağdaş, Tərtər, Şəmkir, Tovuz, Şamaxı, Şəki rayonlarında 14 hərrac keçirilib", - Dövlət Komitəsindən deyilib.
Mənbənin sözlərinə görə, hərraclar hər ayın 14-də ölkənin bütün regionlarında eyni vaxtda keçirilir.
Azərbaycan Prezidentinin 10 dekabr 2008-ci il tarixli fərmanına əsasən yerli özününidarəetmə orqanlarının torpaqları yalnız hərrac vasitəsilə satılır, onların verilməsi üzrə səlahiyyət Dövlət Torpaq və Xəritəçəkmə Komitəsinə həvalə edilib. Əvvəllər bu səlahiyyətə bələdiyyələr sahib idilər.
Şəhadətnaməyə görə, mülki və torpaq qanunvericiliyinə əsasən hərracda və ya müsabiqədə qalib gələn hüquqi və ya fiziki şəxslərin bələdiyyə torpaqları barədə müqaviləsi 20 gündən gec olmayaraq Dövlət Komitəsinin yerli strukturları ilə bağlanılır.
Məqalə müəllifi ilə əlaqə ünvanı: [email protected]