Azərbaycan, Bakı, 25 avqust / Trend , müxbir Ü.İsmayılova /
İyulda Azərbaycanda təkrar mənzil bazarında iyuna nisbətən 0,8 faizlik artım müşahidə olunub. Bu barədə çərşənbə axşamı "Əmlak bazarı iştirakçıları" İctimai Birliyindən məlumat verilib.
Ötən ay Bakıda təkrar mənzillərin kvadratmetrinin orta qiyməti iyundakı 1,344 minə qarşı 1,345 min ABŞ dolları olub.
Ötən ay təkrar mənzil bazarında mənzillərin orta qiyməti 120,4 min dollar (- 4,9 faiz), birotaqlı mənizllərin orta qiyməti isə 47,8 min dollar (- 6,8 faiz) təşkil edib.
Ötən ay nəzərəçarpacaq qiymət artımı Bakının Yasamal bazarında müşahidə olunub - 2,4 faiz. Keçən ay bazar portfelində bu rayonun payı 26,2 faiz təşkil edib.
Bazarda aşağı orta qiymətlə təklif olunan mənzillərin payı (kvadratmetrinə 1,345 min dollar) bazar portfelində 59,7 faiz olub.
İyulda təkrar mənzillərin orta otaq göstəricisi 2,52 (+2 faiz) təşkil edib.
Ötən ay Bakının təkrar mənzil bazarında saziş bağlanmasının dinamikliyində 19,2 faiz artım müşahidə olunub. İyulda bazara edilən təkliflər 32 faiz artıb. İyulda təkrar mənzil bazarına ümumilikdə 7,73 min mənzil təklif olunub.
Bakı bazarında təkrar mənzillərin ekspozisiya müddəti ötən ay altı gün azalaraq 105 günə çatıb. Bu da bazarın gəlir əmsalının 3,9 faizədək artmasına gətirib çıxarıb.
İyulda təkrar mənzil bazarının portfelində üçotaqlı mənzillərin payı 39,4 faiz, dördotaqlı mənzillərin payı isə 35,6 faiz təşkil edib.
Gəlirlilik əmsalının səviyyəsinə görə ən cəlbedici rayon Xətai, Nərimanov və Yasamal rayonları olub. Bu rayonlar bazar portfelinin 76,1 faizini təşkil edib.
Təklif strukturunda dördotaqlı mənzillərin payı 3,4 faiz, beşotaqlı mənzillərin payı isə 2,3 faiz təşkil edib. Təkrar mənzil portfelində birotaqlı mənizllərin payı 3,9 faiz, ikiotaqlı mənzillərin payı 5,1 faiz, üçotaqlı mənzillərin payı isə 3,2 faiz artıb.
Məqalə müəllifi ilə əlaqə ünvanı: [email protected]