Azərbaycan, Bakı, 31 avqust / Trend , müxbir Ü.İsmayılova /
Azərbaycan ilk dəfə olaraq "TORPESA" beynəlxalq turizm sərgisində təmsil olunacaq. Bu barədə bazar ertəsi Azərbaycanın Mədəniyyət və Turizm Nazirliyindən deyiblər.
"TORPESA" beynəlxalq sərgisi Fransada 22-25 sentyabrda keçiriləcək.
Azərbaycanın turizm potensialını sərgidə beş özəl turizm şirkəti nümayiş etdirəcək.
Azərbaycanın 62,5 kvadrat metr sahəni əhatə edəcək stendində ölkənin turizm potensialı, mədəni-tarixi abidələri, mehmanxanalar və digər turizm obyektləri nümayiş olunacaq.
