...

Bakının torpaq bazarına bir sotu 220 min dollar olan torpaq sahəsi təklif edilib

Biznes və iqtisadiyyat xəbərləri Materials 3 Sentyabr 2009 18:08 (UTC +04:00)

Azərbaycan, Bakı, 03 sentyabr / Trend , müxbir Ü.İsmayılova /

İyulda ən bahalı torpaq sahəsi bir sotu 220 min dollar olmaqla Bakının Nəsimi rayonunda, ən ucuz torpaq sahəsi isə Sabunçu rayonunda təklif edilib - bir sotu 350 dollar. Bu barədə cümə axşamı "Əmlak bazarı iştirakçıları" İctimai Birliyindən bildirilib.

Bakıda bir sot torpaq sahəsinin qiyməti 4,1 faiz ucuzlaşaraq 18,8 min dollar təşkil edib. Bu göstərici iyun ayında 19,6 faiz təşkil edib. Torpaq sahələrinin ekspozisiya müddəti 2,1 faiz artaraq 234 gün təşkil edib. Qiymətlərin əhəmiyyətli dərəcədə - 9,3 faiz azalması Bakının Suraxanı rayonunda müşahidə edilib.

Bakının Qaradağ rayonunda 2,5 faiz qiymət artımı müşahidə edilir. Bu həmin ərazidə ticarət mərkəzinin fəaliyyətə başlaması ilə əlaqədardır. Bakının Əzizbəyov rayonunda da 0,1 faiz artım müşahidə edilib.

İyul ayında torpaq sahəsində ən passiv rayon Nəsimi, ən fəal rayonlar isə Binəqədi və Nərimanov olub.

Ümumi cədvəl Bakının torpaq bazarında zonalar üzrə qiymət dəyişikliklərini göstərir:

Şəhər zonası

Bir sota görə qiyməti ($ ilə)

Qiymətlərin orta dəyişikliyi (%-lə)

I

202106

-1,5

II

118765

-1,1

III

25110

-4,7

IV

5042

-5,8

İyulda bazara təklif olunan 815,1 hektar ərazinin 76,6 faizini boş sahələr təşkil edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti