Azərbaycan, Bakı, 11 sentyabr / Trend , müxbir E.Ismayılov /
Sentyabrın 15-dən Bakı metropoliteni payız-qış iş rejiminə küçəcək. Bu barədə cümə günü Bakı metropolitenindəki mənbə deyib.
Mənbənin sözlərinə görə, qatarlar arasında hərəkət intervalı payız-qış rejimi çərçivəsində 2-2,5 dəqiqə (gərgin saatlarda 2 dəqiqə) təşkil edəcək. Yay rejimində interval 3 dəqiqədir.
Hazırda saatda hər iki istiqamətə (mərkəzə və mərkəzdən) Bakı metrosu 20 heyətlə hərəkət edir, sentyabrın 15-dən isə hərəkət edən heyətlərin sayı saatda 30 olacaq.
Mənbənin dediyi kimi, hazırda Bakı metropoliteni sutkada təxminən 500 min nəfər sərnişin daşıyır. Tədris ilinin başlamasından (15 sentyabrdan) sərnişin axını nəzərəçarpacaq dərəcədə artacaq və sutkalıq sərnişin daşınması təxminən 650-700 min nəfər təşkil edəcək.
Beləki, yanvar-iyulda metropoliteninin sərnişin daşımasının həcmi 125,9 milyon nəfər olub və 9,1 faiz artıb. Bakı metropoliteni 1967-ci ildən etibarən fəaliyyət göstərir ("İçəri Şəhər" stansiyasından "Nəriman Nərimanov" stansiyasına kimi üç aralıq stansiyası ilə). Metropolitenin yeddi stansiyası ("İçəri Şəhər", "Sahil", "28 May", "Cəfər Cabbarlı", "Xətai", "Nizami", "Elmlər Akademiyası") dərində yerləşir, "Bakmil" yerüstü, qalanları isə sütunludur, dayazda yerləşir. İlin sonunda yeni - "Azadlıq" metro stansiyası istifadəyə veriləcək.
Məqalə müəllifi ilə əlaqə ünvanı: [email protected]
