Azərbaycan, Bakı, 15 sentyabr / Trend , müxbir İ.Xəlilova /
2009-cu ilin yanvar-avqust ayları ərzində Azərbaycanın ÜDM-i ötən ilin müvafiq göstəricisi ilə müqayisədə 5 faiz artıb. Bu barədə çərşənbə axşamı Dövlət Statistika Komitəsindən məlumat verilib. Cari qiymətlərdə ÜDM göstəricisi 20 628 milyon manat təşkil edib. Əhalinin adambaşına düşən ÜDM-in həcmi 3,7 faiz artaraq 2341,3 manat (2912,1 dollar) təşkil edib.
İqtisadiyyatın bütün sahələrində məhsul istehsalının ümumi həcmi 5,3 faiz yaxşılaşaraq ÜDM-in 63,5 faizini təşkil edib. ÜDM-də 49,3 faizlik (10 162,3 milyon manat) əsas hissə sənayenin payına düşür. ÜDM-də xidmət sferalarının xüsusi çəkisi 19,2 faizdən 28,6 faizədək artıb. Xidmət sahəsində əlavə dəyər istehsalı ötən ilin müvafiq dövrü ilə müqayisədə 5,7 faiz artıb. Məhsuldan və idxaldan xalis gəlirlər ÜDM-in 7,9 faizini təşkil edib.
Yanvar-avqust ərzində kənd təsərrüfatı, ovçuluq sektoru və meşəçilikdə 1295,5 milyon manatlıq əlavə dəyər istehsal olunub. Bu da ümumi ÜDM-in 6,3 faizini təşkil edir. Tikinti sektorunda 1349,6 milyon manat (6,5 faiz), rabitə və poçt xidmətləri sektorunda 442 milyon manat (2,1 faiz), topdan və pərakəndə ticarət, avtomobil sahəsində, məişət məhsulları və şəxsi istifadə əşyalarının təmiri üzrə xidmət sahələrində 1485,7 milyon manat (7,2 faiz), restoran və mehmanxana sahəsində 242,9 milyon manat (1,2 faiz), sosial və digər xidmətlərin göstərilməsində 2393,3 milyon manat (11,6 faiz) əlavə dəyər istehsal olunub.
Sentyabrın 15-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]