Azərbaycan, Bakı, 15 sentyabr / Trend , müxbir Ü.İsmayılova /
Azərbaycanda sentyabrın 1-nə 1091,4 min hektar sahədən 2831,8 min ton taxıl yığılıb. Bu barədə çərşənbə axşamı Dövlət Statistika Komitəsindən məlumat verilib.
"Hər hektardan orta hesabla 25,9 sentner taxıl məhsulu yığılıb", - Dövlət Komitəsindən deyilib.
Yığılan məhsulun ümümi həcmindən 2137,5 faizi yazlıq və payızlıq məhsulun payına düşür.
Qarğıdalı da nəzərə alınmaqla, taxıl məhsullarının istehsalı keçən ilin müvafiq dövrü ilə müqayisədə 20,2 faiz və ya 484,2 min ton artaraq rekord səviyyəyə - 2884,4 min tona çatıb.
Mövsüm dövründə təsərrüfatda 672,9 min ton kartof, 11,1 min ton günəbaxan, 943,8 min ton tərəvəz, 359,2 min ton bostan məhsulları, 267,2 min ton meyvə və tərəvəz, 23,4 min ton üzüm, eləcə də 1347 ton tütün yarpağı və 303,6 ton yaşıl çay yarpağı yığılıb.
Ölkədə həmçinin pambıq yığımı da başlanıb. Sentyabrın 7-nə 427 ton pambıq yığılaraq emaledici müəssisələrə göndərilib. Pambıq səpilən ərazilər keçən illə müqayisədə 27,4 min hektar və ya 56,5 faiz azalıb.
Hazırda 2010-cu ilin məhsulu üçün hazırlıq işləri aparılır. Belə ki, 196,1 min hektar torpaqda şumlama işləri aparılır.
Səkkiz ay ərzində ölkənin kənd təsərrüfatında 194,2 min ton ət (keçən ilin müvafiq dövrü ilə müqayisədə 0,6 faiz çox), 941,5 min ton süd (keçən ilin müvafiq dövrü ilə müqayisədə 0,2 faiz çox), 803,3 milyon toyuq yumurtası (keçən ilin müvafiq dövrü ilə müqayisədə 10,2 faiz çox) istehsal edilib.
Yanvar-avqust aylarında kənd təsərrüfatı məhsullarının qiyməti 3,8 faiz, o cümlədən bitkiçilik məhsulları 4,7 faiz, heyvandarlıq məhsulları isə 2,1 faiz artıb.
Sentyabrın 15-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]