Azərbaycan, Bakı, 16 sentyabr / Trend , müxbir N.İsmayılova /
Sentyabrın 1-nə Azərbaycanda 44,9 faizi qadın olmaqla 43352 nəfər işsiz rəsmi qeydiyyatdan keçib, çərşənbə günü Dövlət Statistika Komitəsindən verilən məlumatda deyilir. Yanvar-avqust aylarında işsizlərin sayı 2,5 faiz azalıb. Ölkədə bir boş yerə 4 nəfər işsiz düşür.
Hesabat dövrü ərzində ölkədə məşğul əhalinin sayı 4067,2 min nəfər təşkil edib. Bununla yanaşı, yanvar-iyul aylarında muzdla çalışan 1377,8 min nəfər qeydiyyatdan keçib.
İstehsalat sahələrində muzdla çalışan işçilərin 19,9 faizi - sənaye sahəsində, 4,9 faizi - inşaatda, 2,8 faizi - meşə, kənd təsərrüfatında və balıqçılıq sahəsində fəaliyyət göstərir. Xidmət sahəsində muzdla çalışan işçilərin 25,5 faizi təhsil sahəsində, 19,6 faizi topdan və pərakəndə satış sahəsində, atomobil təmiri sahəsində, 10,1 faizi səhiyyə və sosial xidmətlər sahəsində, 6,8 faizi nəqliyyat və rabitədə, 6,3 faizi kommunal, sosial sahədə, 5 faizi daşınmaz əmlakla əməliyatlar sahəsində, 4,2 faizi dövlət idarələri, müdafiə sahəsində, 2,6 faizi isə digər sahələrdə fəaliyyət göstərir.
Yanvar-iyul aylarında iqtisadi fəaliyyətlə məşğul olan xarici vətəndaşların sayı 5 min nəfər təşkil edib ki, bunlardan da 1,4 min nəfəri - sənayedə, 1,6 min nəfəri - inşaatda, 0,7 min nəfəri - daşınmaz əmlak ilə əməliyyatlarda, 0,6 faizi - ticarətdə, 0,4 faiz təhsil sahəsində, 0,3 faiz isə digər sahələrdə fəaliyyət göstərir.
İşsizlər üçün maddi yardımın orta məbləği 168,6 manat təşkil edir.
Sentyabrın 16-na olan cari məzənnə 0,8033 AZN/USD təşkil edir.
Məqalə müəllifi ilə əlaqə ünvanı: [email protected]