Azərbaycan, Bakı, 30 sentyabr / Trend , müxbir Ü.İsmayılova/
Azərbaycanın səhiyyə naziri Oqtay Şirəliyev çərşənbə günü İsrailin Azərbaycandakı səfiri Mixael Lavon-Lotem ilə səhiyyə və tibb elmi sahəsində əməkdaşlığın inkişaf perspektivlərini müzakirə edib, bu barədə çərşənbə günü nazirlikdən bildirilib.
Müzakirə zamanı əsas diqqət kadrların hazırlanmasına ayrılıb, nazirlikdən bildirilib.
Görüş zamanı səhiyyə naziri azərbaycanlı mütəxəssislərin İsraildə təhsil alması üçün praktik kursların təşkil edilməsini təklif edib. İndiyə kimi Azərbaycanın ali tibb məktəbi tələbələri Türkiyə, Almaniya və bir sıra MDB ölkələrində ixtisas artırma imkanlarına malik olublar.
Səfir öz növbəsində qeyd edib ki, İsrail tibb sahəsində Azərbaycan ilə əlaqələrin inkişafına böyük əhəmiyyət verir, buna görə də bu əməkdaşlığın gələcək inkişafına dəstək göstərməyə hazırdır.
Məqalə müəllifi ilə əlaqə ünvanı: [email protected].
