Azərbaycan, Bakı, 13 oktyabr / Trend , müxbir Ü.İsmayılova/
Azərbaycan Dövlət Gömrük Komitəsi müəyyən dövrlərdə ölkəyə idxal zamanı müsadirə edilmiş istehlak üçün yararsız və təhlükəli olan ərzaq mallarının böyük hissəsini məhv edib.
DGK əməkdaşları tərəfindən 78,17 min müxtəlif adda tütün məhsulları, 634 ədəd tərkibi məlum olmayan bioloji qida əlavələri, 634 şüşə pivə, 787 litr spirtli içki, 41,82 min ədəd fişəng və pirotexnika, həmçinin 56 kiloqram kürü məhv edilib.
Gömrük Komitəsi həmçinin 500 ədəd və 726 kiloqram paltarlar üçün müxtəlif firmaların kontrafakt nişanlarını və 2,17 min ədəd araq və çaxır üçün polietilen tıxacları məhv edib.
Məhv edilən mallar içərisində 224 qutu kofe və Ermənistan istehsalı olan 10 ədəd üyüdülmüş istiot olub.
Ermənistan istehsalı olan məhsulların ölkəyə gətirilməsinin qarşısını almaq məqsədilə DGK Tovuz, Xaçmaz və Balakən rayonlarındakı nəzarət-buraxılış məntəqələrində nəzarəti gücləndirib, Dövlət Komitəsindən deyilib.
Məqalə müəllifi ilə əlaqə ünvanı: [email protected]
